1. [PS]എന്റെ ശ്വാസം ക്ഷയിച്ചു, എന്റെ ആയുസ്സ് തീർന്നുപോകുന്നു; [PE][QS]ശവക്കുഴി എനിക്കായി ഒരുങ്ങിയിരിക്കുന്നു. [QE]
2. [QS]എന്റെ അരികിൽ പരിഹാസമേയുള്ളു; [QE][QS]എന്റെ കണ്ണ് അവരുടെ പ്രകോപനം കണ്ടു കൊണ്ടിരിക്കുന്നു. [QE]
3. [QS]അവിടുന്ന് പണയംകൊടുത്ത് എനിയ്ക്ക് ജാമ്യമാകേണമേ; [QE][QS]എന്നെ സഹായിക്കുവാൻ മറ്റാരുള്ളു? [QE]
4. [QS]ബുദ്ധി തോന്നാത്തവണ്ണം അവിടുന്ന് അവരുടെ ഹൃദയം അടച്ചുകളഞ്ഞു; [QE][QS]അതുനിമിത്തം അവിടുന്ന് അവരെ ഉയർത്തുകയില്ല. [QE]
5. [QS]ഒരാൾ സ്നേഹിതന്മാരെ കവർച്ചയ്ക്കു വേണ്ടി [QE][QS]കാണിച്ചുകൊടുത്താൽ അവന്റെ മക്കളുടെ കണ്ണ് മങ്ങിപ്പോകും. [QE]
6. [QS]അവിടുന്ന് എന്നെ ജനങ്ങൾക്ക് പഴഞ്ചൊല്ലാക്കിത്തീർത്തു; [QE][QS]ഞാൻ മുഖത്ത് തുപ്പേല്ക്കുന്നവനായിത്തീർന്നു. [QE]
7. [QS]ദുഃഖം കാരണം എന്റെ കണ്ണ് മങ്ങിയിരിക്കുന്നു; [QE][QS]എന്റെ അവയവങ്ങൾ എല്ലാം നിഴൽ പോലെ തന്നെ. [QE]
8. [QS]നേരുള്ളവർ അതു കണ്ട് ഭ്രമിച്ചുപോകും; [QE][QS]നിഷ്കളങ്കൻ അഭക്തന്റെ നേരെ ക്ഷോഭിക്കും. [QE]
9. [QS]നീതിമാനോ തന്റെ വഴി തന്നെ പിന്തുടരും; [QE][QS]കൈവെടിപ്പുള്ളവൻ മേല്ക്കുമേൽ ബലം പ്രാപിക്കും. [QE]
10. [QS]എന്നാൽ നിങ്ങൾ എല്ലാവരും മടങ്ങിവരുവിൻ; [QE][QS]ഞാൻ നിങ്ങളിൽ ഒരു ജ്ഞാനിയെയും കാണുന്നില്ല. [QE]
11. [QS]എന്റെ നാളുകൾ കഴിഞ്ഞുപോയി; എന്റെ ഉദ്ദേശ്യങ്ങൾക്ക്, [QE][QS]എന്റെ ഹൃദയത്തിലെ നിരൂപണങ്ങൾക്ക് തകർച്ച സംഭവിച്ചു. [QE]
12. [QS]അവർ രാത്രിയെ പകലാക്കുന്നു; [QE][QS]വെളിച്ചം ഇരുട്ടിനോട് അടുത്തിരിക്കുന്നു. [QE]
13. [QS]ഞാനോ പാതാളത്തെ എന്റെ വീടായി പ്രതീക്ഷിക്കുന്നു; [QE][QS]ഇരുട്ടിൽ ഞാൻ എന്റെ കിടക്ക വിരിച്ചിരിക്കുന്നു.
14. ഞാൻ ദ്രവത്വത്തോട്: നീ എന്റെ അപ്പൻ എന്നും [QE][QS]പുഴുവിനോട്: നീ എന്റെ അമ്മയും സഹോദരിയും എന്നും പറഞ്ഞിരിക്കുന്നു. [QE]
15. [QS]അങ്ങനെയിരിക്കെ എന്റെ പ്രത്യാശ എവിടെ? [QE][QS]ആര് എന്റെ പ്രത്യാശയെ കാണും? [QE]
16. [QS]അത് പാതാളത്തിന്റെ വാതിലുകൾ വരെ ഇറങ്ങിപ്പോകുമോ? [QE][QS]പൊടിയിലേക്ക് അത് ഇറങ്ങിവരുമോ?” [QE]