1. [PS]ഇപ്പോൾ എന്നിലും പ്രായം കുറഞ്ഞവർ എന്നെ നോക്കി ചിരിക്കുന്നു; [PE][QS]അവരുടെ അപ്പന്മാരെ എന്റെ ആട്ടിൻ കൂട്ടത്തിന്റെ നായ്ക്കളോടുകൂടി [QE][QS]ആക്കുവാൻ പോലും ഞാൻ നിരസിക്കുമായിരുന്നു. [QE]
2. [QS]അവരുടെ കയ്യൂറ്റംകൊണ്ട് എനിക്ക എന്ത് പ്രയോജനം? [QE][QS]അവരുടെ യൗവ്വനശക്തി നശിച്ചുപോയല്ലോ. [QE]
3. [QS]ബുദ്ധിമുട്ടും വിശപ്പുംകൊണ്ട് അവർ മെലിഞ്ഞിരിക്കുന്നു; [QE][QS]ശൂന്യദേശത്തിന്റെയും നിർജ്ജനദേശത്തിന്റെയും ഇരുട്ടിൽ [QE][QS]അവർ വരണ്ട നിലം കാർന്നു തിന്നുന്നു. [QE]
4. [QS]അവർ കുറ്റിക്കാട്ടിൽ മണൽചീര പറിക്കുന്നു; [QE][QS]കാട്ടുകിഴങ്ങ് അവർക്ക് ആഹാരമായിരിക്കുന്നു. [QE]
5. [QS]ജനമദ്ധ്യത്തിൽ നിന്ന് അവരെ ഓടിച്ചുകളയുന്നു; [QE][QS]കള്ളനെപ്പോലെ അവരെ ആട്ടിക്കളയുന്നു. [QE]
6. [QS]താഴ്വരപ്പിളർപ്പുകളിൽ അവർ വസിക്കേണ്ടിവരുന്നു; [QE][QS]മൺകുഴികളിലും പാറയുടെ ഗുഹകളിലും തന്നെ. [QE]
7. [QS]കുറ്റിക്കാട്ടിൽ അവർ കഴുതകളെപ്പോലെ കുതറുന്നു; [QE][QS]കുറ്റിച്ചെടിയുടെ കീഴിൽ അവർ ഒന്നിച്ചുകൂടുന്നു. [QE]
8. [QS]അവർ ഭോഷന്മാരുടെ മക്കൾ, നീചന്മാരുടെ മക്കൾ; [QE][QS]അവരെ ദേശത്തുനിന്ന് ചമ്മട്ടികൊണ്ട് അടിച്ചോടിക്കുന്നു. [QE]
9. [QS]എന്നാൽ ഇപ്പോൾ ഞാൻ അവരുടെ പാട്ടായിരിക്കുന്നു; [QE][QS]അവർക്ക് പഴഞ്ചൊല്ലായിത്തീർന്നിരിക്കുന്നു. [QE]
10. [QS]അവർ എന്നെ അറച്ച് അകന്നുനില്ക്കുന്നു; [QE][QS]എന്റെ മുഖത്ത് തുപ്പുവാൻ ശങ്കിക്കുന്നില്ല. [QE]
11. [QS]ദൈവം തന്റെ കയർ അഴിച്ച് എന്നെ ക്ലേശിപ്പിച്ചതുകൊണ്ട് [QE][QS]അവർ എന്റെ മുമ്പിൽ കടിഞ്ഞാൺ അയച്ചുവിട്ടിരിക്കുന്നു. [QE]
12. [QS]വലത്തുഭാഗത്ത് നീചന്മാർ എഴുന്നേറ്റ് എന്നെ തുരത്തുന്നു [QE][QS]അവർ നാശമാർഗ്ഗങ്ങളെ എന്റെ നേരെ നിരത്തുന്നു. [QE]
13. [QS]അവർ എന്റെ പാതയെ നശിപ്പിക്കുന്നു; [QE][QS]അവർ തന്നെ തുണയറ്റവർ ആയിരിക്കുമ്പോൾ [QE][QS]എന്റെ അപായത്തിനായി ശ്രമിക്കുന്നു. [QE]
14. [QS]വിസ്താരമുള്ള വിടവിൽകൂടി എന്നപോലെ അവർ ആക്രമിച്ചുവരുന്നു; [QE][QS]ഇടിഞ്ഞുവീണതിന്റെ നടുവിൽക്കൂടി അവർ എന്റെ മേൽ ഉരുണ്ടുകയറുന്നു. [QE]
15. [QS]ഭീകരതകൾ എന്റെ നേരെ തിരിഞ്ഞിരിക്കുന്നു; [QE][QS]കാറ്റുപോലെ എന്റെ മഹത്വത്തെ പാറ്റിക്കളയുന്നു; [QE][QS]എന്റെ ഐശ്വര്യവും മേഘംപോലെ കടന്നു പോകുന്നു. [QE]
16. [QS]ഇപ്പോൾ എന്റെ പ്രാണൻ എന്റെ ഉള്ളിൽ തൂകിപ്പോകുന്നു; [QE][QS]കഷ്ടകാലം എന്നെ പിടിച്ചിരിക്കുന്നു. [QE]
17. [QS]രാത്രി എന്റെ അസ്ഥികളെ തുളച്ചെടുത്തുകളയുന്നു; [QE][QS]എന്നെ കാർന്നുതിന്നുന്നവർ ഉറങ്ങുന്നതുമില്ല. [QE]
18. [QS]ദൈവത്തിന്റെ ഉഗ്രബലത്താൽ എന്റെ വസ്ത്രം വിരൂപമായിരിക്കുന്നു; [QE][QS][* അങ്കി = പുറങ്കുപ്പായം ]അങ്കിയുടെ കഴുത്തുപോലെ എന്നോട് പറ്റിയിരിക്കുന്നു. [QE]
19. [QS]അവിടുന്ന് എന്നെ ചെളിയിൽ ഇട്ടിരിക്കുന്നു; [QE][QS]ഞാൻ പൊടിക്കും ചാരത്തിനും തുല്യമായിരിക്കുന്നു. [QE]
20. [QS]ഞാൻ അങ്ങയോട് നിലവിളിക്കുന്നു; അവിടുന്ന് ഉത്തരം അരുളുന്നില്ല; [QE][QS]ഞാൻ എഴുന്നേറ്റുനില്ക്കുന്നു; അവിടുന്ന് എന്നെ തുറിച്ചുനോക്കുന്നതേയുള്ളു. [QE]
21. [QS]അവിടുന്ന് എന്റെ നേരെ ക്രൂരനായിത്തീർന്നിരിക്കുന്നു; [QE][QS]അവിടുത്തെ കയ്യുടെ ശക്തിയാൽ അവിടുന്ന്എന്നെ പീഡിപ്പിക്കുന്നു. [QE]
22. [QS]അവിടുന്ന് എന്നെ കാറ്റിൻ പുറത്ത് കയറ്റി ഓടിക്കുന്നു; [QE][QS]കൊടുങ്കാറ്റിൽ അവിടുന്ന് എന്നെ ലയിപ്പിച്ചുകളയുന്നു. [QE]
23. [QS]മരണത്തിലേക്കും സകലജീവികളും ചെന്നു ചേരുന്ന വീട്ടിലേക്കും [QE][QS]അവിടുന്ന് എന്നെ കൊണ്ടുപോകുമെന്ന് ഞാൻ അറിയുന്നു. [QE]
24. [QS]എങ്കിലും വീഴുമ്പോൾ ആരും കൈ നീട്ടുകയില്ലയോ? [QE][QS]അപായത്തിൽപെട്ടവൻ നിലവിളിക്കുകയില്ലയോ? [QE]
25. [QS]കഷ്ടകാലം വന്നവനുവേണ്ടി ഞാൻ കരഞ്ഞിട്ടില്ലയോ? [QE][QS]എളിയവനു വേണ്ടി എന്റെ മനസ്സ് വ്യസനിച്ചിട്ടില്ലയോ? [QE]
26. [QS]ഞാൻ നന്മയ്ക്ക് നോക്കിയിരുന്നപ്പോൾ തിന്മ വന്നു. [QE][QS]വെളിച്ചത്തിനായി കാത്തിരുന്നപ്പോൾ ഇരുട്ട് വന്നു. [QE]
27. [QS]എന്റെ ഹൃദയം ഇളകി മറിയുന്നു; [QE][QS]കഷ്ടകാലം എനിയ്ക്ക് വന്നിരിക്കുന്നു. [QE]
28. [QS]ഞാൻ കറുത്തവനായി നടക്കുന്നു; വെയിൽ കൊണ്ടല്ലതാനും; [QE][QS]ഞാൻ സഭയിൽ എഴുന്നേറ്റ് സഹായത്തിനായി നിലവിളിക്കുന്നു. [QE]
29. [QS]ഞാൻ കുറുക്കന്മാർക്ക് സഹോദരനും [QE][QS]ഒട്ടകപ്പക്ഷികൾക്ക് കൂട്ടാളിയും ആയിരിക്കുന്നു. [QE]
30. [QS]എന്റെ ത്വക്ക് കറുത്ത് പൊളിഞ്ഞുവീഴുന്നു; [QE][QS]എന്റെ അസ്ഥി ഉഷ്ണംകൊണ്ട് കരിഞ്ഞിരിക്കുന്നു. [QE]
31. [QS]എന്റെ കിന്നരനാദം വിലാപമായും [QE][QS]എന്റെ കുഴലൂത്ത് കരച്ചിലായും തീർന്നിരിക്കുന്നു. [QE]