1. മർത്യന് ഭൂമിയിൽ യുദ്ധസേവയില്ലയോ? [QBR] അവന്റെ ജീവകാലം കൂലിക്കാരന്റെ ജീവകാലംപോലെ തന്നെ. [QBR]
2. വേലക്കാരൻ നിഴൽ ആഗ്രഹിക്കുന്നതുപോലെയും [QBR] കൂലിക്കാരൻ കൂലിക്ക് കാത്തിരിക്കുന്നതുപോലെയും [QBR]
3. വ്യൎത്ഥമാസങ്ങൾ എനിയ്ക്ക് അവകാശമായി വന്നു, [QBR] കഷ്ടരാത്രികൾ എനിയ്ക്ക് ഓഹരിയായിത്തീർന്നു. [QBR]
4. കിടക്കുന്നേരം: ഞാൻ എപ്പോൾ എഴുന്നേല്ക്കും എന്നു പറയുന്നു; [QBR] രാത്രി ദീർഘിച്ചുകൊണ്ടിരിക്കുന്നു; വെളുക്കുവോളം എനിക്കുരുളുക തന്നെ പണി. [QBR]
5. എന്റെ ദേഹം പുഴുവും മൺകട്ടയും പൊതിഞ്ഞിരിക്കുന്നു. [QBR] എന്റെ ത്വക്കിൽ പുൺവായകൾ അടഞ്ഞ് വീണ്ടും പഴുത്തുപൊട്ടുന്നു. [QBR]
6. എന്റെ നാളുകൾ [* നെയ്ത്തോടം = നെയ്ത്തുകാരൻ തുണി നെയ്യാനുപയോഗിക്കുന്ന യന്ത്രം] നെയ്ത്തോടത്തിലും വേഗതയുള്ളത്; [QBR] പ്രത്യാശകൂടാതെ അവ കഴിഞ്ഞുപോകുന്നു. [QBR]
7. എന്റെ ജീവൻ ഒരു ശ്വാസം മാത്രം എന്നോർക്കണമേ; [QBR] എന്റെ കണ്ണ് ഇനി നന്മയെ കാണുകയില്ല. [QBR]
8. എന്നെ കാണുന്നവന്റെ കണ്ണ് ഇനി എന്നെ കാണുകയില്ല; [QBR] യഹോവയുടെ കണ്ണ് എന്നെ നോക്കും; ഞാനോ, ഇല്ലാതിരിക്കും. [QBR]
9. മേഘം ക്ഷയിച്ച് മാഞ്ഞുപോകുന്നതുപോലെ [QBR] പാതാളത്തിലിറങ്ങുന്നവൻ വീണ്ടും കയറിവരുന്നില്ല. [QBR]
10. അവൻ തന്റെ വീട്ടിലേക്ക് മടങ്ങിവരുകയില്ല; [QBR] അവന്റെ ഇടം ഇനി അവനെ അറിയുകയുമില്ല. [QBR]
11. ആകയാൽ ഞാൻ എന്റെ വായടയ്ക്കുകയില്ല; [QBR] എന്റെ മനഃപീഡയിൽ ഞാൻ സംസാരിക്കും; [QBR] എന്റെ മനോവ്യസനത്തിൽ ഞാൻ സങ്കടം പറയും. [QBR]
12. യഹോവ എനിക്ക് കാവലാക്കേണ്ടതിന് [QBR] ഞാൻ കടലോ കടലാനയോ ആകുന്നുവോ? [QBR]
13. എന്റെ കട്ടിൽ എന്നെ ആശ്വസിപ്പിക്കും; [QBR] എന്റെ മെത്ത എന്റെ വ്യസനം ശമിപ്പിക്കും എന്ന് ഞാൻ പറഞ്ഞാൽ [QBR]
14. യഹോവ സ്വപ്നംകൊണ്ട് എന്നെ ഞെട്ടിപ്പിക്കുന്നു; [QBR] ദർശനംകൊണ്ടും എന്നെ ഭയപ്പെടുത്തുന്നു. [QBR]
15. ആകയാൽ ഞാൻ കഴുത്ത് ഞെരിഞ്ഞ് കൊല്ലപ്പെടുന്നതും [QBR] ഈ അസ്ഥികൂടത്തേക്കാൾ മരണവും തിരഞ്ഞെടുക്കുന്നു. [QBR]
16. ഞാൻ ജീവിതം വെറുത്തിരിക്കുന്നു; എന്നേക്കും ജീവിച്ചിരിക്കയില്ല; [QBR] എന്നെ വിടേണമേ; എന്റെ ജീവകാലം ഒരു ശ്വാസം മാത്രമല്ലോ. [QBR]
17. മർത്യനെ നീ ഗണ്യമാക്കേണ്ടതിനും [QBR] അവന്റെമേൽ ദൃഷ്ടിവയ്ക്കേണ്ടതിനും [QBR]
18. അവനെ രാവിലെതോറും സന്ദർശിച്ച് [QBR] നിമിഷം തോറും പരീക്ഷിക്കേണ്ടതിനും അവൻ എന്തുള്ളു? [QBR]
19. നീ എത്രത്തോളം നിന്റെ നോട്ടം എന്നിൽ നിന്ന് മാറ്റാതിരിക്കും? [QBR] ഞാൻ ഉമിനീർ ഇറക്കുന്നതുവരെ എന്നെ വിടാതെയുമിരിക്കും? [QBR]
20. ഞാൻ പാപം ചെയ്തുവെങ്കിൽ, മനുഷ്യപാലകനേ, ഞാൻ നിനക്കെന്ത് ചെയ്യുന്നു? [QBR] ഞാൻ എനിയ്ക്ക് തന്നെ ഭാരമായിരിക്കത്തക്കവണ്ണം [QBR] നീ എന്നെ നിനക്ക് ലക്ഷ്യമായി വച്ചിരിക്കുന്നതെന്ത്? [QBR]
21. എന്റെ അതിക്രമം നീ ക്ഷമിക്കാതെയും [QBR] അകൃത്യം മോചിക്കാതെയും ഇരിക്കുന്നതെന്ത്? [QBR] ഇപ്പോൾ ഞാൻ പൊടിയിൽ കിടക്കും; [QBR] നീ എന്നെ അന്വേഷിച്ചാൽ ഞാൻ ഇല്ലാതിരിക്കും.” [PE]